Hövzə Xəbər Agentliyinin Kaşan müxbirinin verdiyi məlumata görə, Höccətül-İslam Əlirza Qasimi bu həftə Kəvirat bölgəsində qılınan cümə namazının xütbələrində İmam Əli ibn Musa Rzanın (ə) mövludu münasibətilə təbrik edərək belə dedi: İslam Peyğəmbəri (s) buyurmuşdur ki:

“Hər kim istəyirsə ömrü uzun, ruzisi bol olsun, təqvalı olmalı və qohum-əqrəba ilə əlaqəsini (sileyi-rəhm) kəsməməlidir.

Kəvirat bölgəsinin cümə imamı Qum Elmi Hövzəsinin yenidən təsis edilməsinin yüzüncü ildönümü münasibətilə keçirilən iclasada Ali Rəhbərin göndərdiyi mesaja toxunaraq bildirdi: Bu mesaj hövzənin ən əsas və mərkəzi məsələlərinə diqqət yetirmişdir. O əlavə edib: Ali Rəhbərin mesajının müxtəlif tərəfləri, xüsusilə İslamın ictimai və siyasi roluna vurğu, hövzənin ali şurası, İdarəetmə mərkəzi və digər hövzə qurumları tərəfindən ciddi şəkildə nəzərə alınmalıdır.

Höccətül-İslam Qasimi bildirib: Bu mesajın diqqətlə öyrənilməsi və İnqilab Rəhbərinin cızdığı yolda hərəkət etmək, dini mədrəsələrinin inkişafı və transformasiyası üçün inkarolunmaz bir zərurətdir.

O, Həcc işçiləri ilə Ali Rəhbərin görüşünə işarə edərək dedi: Rəhbər bu görüşdə bildirdi ki, əgər İslam ümməti birləşsə, Qəzza faciələri baş verməz, Yəmən bu cür təzyiqə məruz qalmaz və birlik olduğu zaman təhlükəsizlik təmin edilər.

Kəvirat bölgəsinin cümə imamı Həccin ən önəmli faydasının müsəlmanların birliyi olduğunu vurğulayaraq dedi: Fələstin xalqı, xüsusən də Qəzza xalqı ilə əlaqədar olaraq hər kəs öz bacardığı şəkildə yardım edə bilər. Bəzisi pul verə bilər, bəzisi siyasi yardım göstərə bilər, bəzisi təbliğat aparar, bəzisi minbərdə və cümə namazında bu mövzunu irəli sürə bilər və bu İslam dünyasının dini və siyasi lideri, təqlid mərcəsi tərəfindən verilmiş şəri hökm və göstərişdir ki, Quran ayələri və Əhli-Beytin pak və nurlu rəvayətlərindən götürülmüşdür.

Höccətül-İslam Qasimi bir amerikalı məsul şəxsin İrandan nüvə zənginləşməsini dayandırmağı tələb etməsi ilə əlaqədar olaraq qeyd etdi: Bu özünü yüksəkdə görən axmaq bir qrupdur ki, onlar İranın Liviya olduğunu düşünürlər. Xeyr, İran İrandır, İran igidlərin beşiyidir və heç bir şəraitdə sizə güzəştə getməyəcək və sizin şeytani tələblərinizə boyun əyməyəcək.

Kəvirat bölgəsinin cümə imamı vurğuladı: Qumarbaz Tramp iddia edir ki, danışıqların məqsədi İranın nüvə proqramının tamamilə ləğv edilməsidir. Lakin İran xalqı qətiyyətlə bildirir ki, İran heç vaxt sizin zalım istəklərinizə boyun əyməyəcəkdir.

Höccətül-İslam Qasimi bildirərək deyib ki, kəramət günləri ərəfəsində Kaşanlı xeyirxah bir ailə mərhum atalarının yeddisi mərasimini keçirmək əvəzinə həmin mərasim üçün ayrılan 70 milyon tuməni qeyri-iradi maliyyə cinayətləri səbəbindən həbsdə olan bir məhkumun borcunu ödəməyə ayırdı. O, əlavə etdi: Bu ənənənin bizim bölgəmizdə də yerini tapması çox gözəl olardı.

Əbuzeydabadın cümə imamı, Fars Körfəzi məsələsinə toxunaraq bildirdi: Dünyanın uzaq nöqtələrindən planlaşdırırlar ki, İran Fars körfəzində hərbi təlimlər keçirməsin. Bu əsassız və tamamilə məntiqsiz bir iddiadır.

Höccətül-İslam Qasimi vurğulayaraq qeyd etdi ki, Fars körfəzi əziz  İran xalqının tarixi və təbii haqqıdır. O əlavə etdi ki, İran xalqı ayıq və şüurlu bir millətdir və heç vaxt tamahkar, hegemonluğa can atan güclərin onun taleyinə müdaxilə etməsinə icazə verməyəcəkdir.  

Xəbərin sonu.